第三課： 養船開支

一般養船主要分五部份：
1. 泊位
2. 油費
3. 維修保養
4. 保險
5. 牌費

1. 泊位： 一般可選擇泊在海上的正式泡位或岸上的船架（兩種都要排的）, 如排到遊艇會的泡位就可平至約千幾元已可以、但遊艇會的泡位一般都好full, 入會後也可能要排兩三年才有機會排到、而私人泡位（俗稱坨地位）、一般每月約$3000-$4000、所以一般買船後、大部份人首兩三年都會係泊私人泡位的、如泊船廠的岸上船架就一般每月約$7000-$10000, 如細隻D船(20尺)泊船廠的岸上船架就一般每月約$5000-$6000、亦有小部份人會連船連泊位賣的、也有一小部份人會泊在魚排。

備註1: 泊船的地點每處租金都會有所不同,以上價格以西貢白沙灣附近一帶的泊位來大約計算。

備註2: 遊艇會的泡位是要入遊艇會才能申請的, 現時比較平的遊艇會以2023年10月計是西貢白沙灣遊艇會, 入會費是HK$86,800, 月費是$1,388 + 建築費$100 (https://www.hhyc.org.hk/page.php?page=page3_4.php),

另外香港仔遊艇會的入會費也不過十萬、現時是$100,000, 月費是$1,550 (https://www.abclubhk.com/membership_2020.aspx)

入會後可使用遊艇會的所有設施和服務, 包括餐廳, 更衣室, 熱水沐浴, 舢舨接駁到泡位, 洗船, 淡水補給、橋位上落客、船廠設施, 等等...

2. 油費： 如由西貢來回一次去水清沙幼的南風灣或潛水浮潛勝地的甕缸附近,電油費來回約$400-500,如柴油engine 會更平.如去遠少少有香港馬爾代夫之稱的大浪西灣就大約$700-800左右,其實同平日在香港出一次街睇場戲食飯的消費差不多.但唔好忘記呢個價係total成船人嘅消費噃,所以除返開正確係平過平時食飯睇戲架. 

3. 維修： 主要維修,每年建議上船廠清潔及油船底兩次, 費用約$4000-$5000一次已包括上排費, 如有些船隻冬天不會使用的, 就可以在夏天來臨前先清潔及油船底一次都得。一年最好打至小一次臘以保護船身, 費用約$3000-$4000, 其他保養就和養車一樣差不多, 主要都係換下鋅片(防侵蝕用), 水泵葉, 火嘴,油格和機油, 費用不會太貴, 除非引擎故障, 但outboard Engine 因不用時可以整個升高離開水面, 係好小會壞的。

4. 保險 : 以船價HK$700,000 為例, 全保一年約$7000

5. 牌費: 一年只需幾百, 平過養車好多

希望大家上完第三課又會再對遊艇加深認識啦~

總括:
所以買船前一定要確定有位泊才好買呀
其實灘番開養架中小型遊艇每月都只係幾千, 真係同養一架車嘅洗費差不多, 但帶比你們嘅歡樂就多好多啦, 天天好似去了外國渡假咁, 又不用和一大班人逼在同一個沙灘, 遠d 既海灘d 水係比近岸乾淨好多好多

睇完依篇文, 希望比個like 小篇及贊好我們平玩遊艇嘅Facebook fan page 啦....謝謝

以上係小編玩左幾年遊艇嘅經驗分享、如有錯漏多多包涵